A Audiencia condena a doce anos e nove meses de cárcere ao condutor que tentou asasinar á súa muller colidindo o seu coche contra outro en Rande 

Un total de 3 mulleres foron asesinadas víctimas da violencia de xénero no que vai de ano, na Galicia, según ó derradeiro balance do Ministerio de Sanidade, Servizos Sociais e Igualdade.     

A sección cuarta da Audiencia Provincial de Pontevedra condenou a doce anos e nove meses de cárcere un acusado de tentar matar á súa muller, coa que se atopaba en trámites de divorcio, colidindo contra outro vehículo o coche no que viaxaban, á altura de Rande. O tribunal sentenciouno como autor dun delito de asasinato en grao de tentativa e doutro de intento de homicidio respecto ao condutor do turismo contra o que colidiu a propósito. 

O tribunal indica que carece de “dúbida algunha” respecto a que o accidente foi “intencionado”. Así, relata na sentenza que o sospeitoso dirixiu o coche contra outro vehículo “a gran velocidade” e sen accionar o freo en ningún momento. “Con iso pretendía atentar contra a vida da súa muller”, salientan as xuízas, que entenden que o condenado cometeu os feitos con aleivosía, pois a muller careceu “de capacidade algunha de reacción ou defensa”.