A Deputada Leticia Gallego e Alcaldesa do Porriño desmenten á Xunta e ao PP local; “Non hai un só euro consignado nos OXG21 para ampliar o Centro de Saúde” 

A deputada autonómica pontevedresa, Leticia Gallego e a alcaldesa, Eva García reiteraron que a Xunta de Galicia e o PP local “están a mentir cando afirman que hai partida nos Orzamentos Xerais de Galicia 2021 para a ampliación do Centro de Saúde do Porriño, sinalou a rexedora.

“Por agora no proxecto orzamentario que a Xunta entregou aos grupos políticos no Parlamento de Galicia non hai consignación para a ampliación do Centro de Saúde do Porriño”, manifestou a deputada socialista pontevedresa. 

“Dende o grupo parlamentario socialista na cámara autonómica demandamos que non se demore máis esa ampliación polo que fixemos unha iniciativa instándolle á Xunta para nos Orzamentos de Galicia inclúan unha partida específica para a súa execución”, declarou Leticia Gallego que asinou cos seus compañeiros Julio Torrado, Marina Ortega e Gonzalo Caballero unha batería de preguntas parlamentarias e iniciativas lexislativas dirixidas ao goberno galego por este asunto.

Pola súa banda Eva García subliñou que “o grupo parlamentario socialista teña presentada unha iniciativa esixindo que se dote nos Orzamentos a ampliación do Centro de Saúde, pon de manifesto que a Xunta e o PP local mentiron dicindo que hai inversión para O Porriño cando non é así”.

“Nos seis anos que levo como alcaldesa, a Xunta non gasta nin un euro en inversión no Porriño a pesar das necesidades que temos. Xa está ben que se gasten os cartos públicos para premiar aos afíns e proscribir aos que temos ideas políticas contrarias” rematou García de la Torre.