Nas instalacións do clube en Sanguiñeda terá lugar a segunda edición deste torneo internacional de tenis de mesa ao que se engade o título mosense

 

 

O concelleiro mosense de Mocidade, Leo Costas, e a edil de Participación Cidadá e Deportes, Begoña Toucedo, xunto co propietario de ALWAYS T.M., Samuel Pereiro Costas, e o Xefe de Comunicación de Always T.M., Manuel Pereiro, presentaron esta mañá -nas instalacións do clube deportivo en Sanguiñeda- o II Torneo Internacional 24 Horas Always T.M. e o I Trofeo SOMOSMOS; que se celebrarán a vindeira fin de semana, os días 3 e 4 de agosto.

Para participar no encontro deportivo organizado por Always T.M. os interesados poden inscribirse chamando ao teléfono 667 91 07 75 ou escribindo ao enderezo de correo electrónico tenisdemesa@alwaystm.com. O prazo de inscricións pecharase mañá martes 30 de xullo ás 22.00 h.

As categorías de participación son as seguintes: pre-benxamín, benxamín, alevín e infantil (inscrición 5 €), absoluta feminina e masculina e afecionados (inscrición 10 €).

Os premios para os tres primeiros clasificados das categorías absolutas serán un trofeo máis 80 € de premio para o primeiro, trofeo e 40 € para o segundo, e trofeo e 20 € para o terceiro clasificado.

Para a organización destes dous torneos Always T.M. conta coa colaboración e patrocinio de diferentes entidades e empresas entre as que se atopan DAF e Mabesoa.