Rexistraron unha solicitude de reunión coa Directora Xeral de Calidade Ambiental e Cambio Climático da Consellería de Medioambiente da Xunta de Galicia

 

Dende a Plataforma Antilindano da Louriña, queremos amosar a nosa satisfacción pola recente aprobación no Parlamento de Galicia, por unanimidade, dun acordo para a descontaminación por lindano de xeito planificado e en colaboración entre as distintas administracións, así como a adopción de medidas de protección da saúde.

Esta nova reafírmanos máis aínda na nosa demanda de información e na nosa disposición a participar activamente en todo este proceso. É por isto que vimos de rexistrar esta mesma semana unha solicitude de reunión coa Directora Xeral de Calidade Ambiental e Cambio Climático da Consellería de Medioambiente da Xunta de Galicia, para coñecer polo miúdo cal é a planificación a nivel autonómico e os contactos e coordinación co resto de administración (locais, autonómicas, estatal e europea).