Ocurriu ás 19.00 h tras saltarse un Stop e invadir o carril contrario á marcha no que circulaba

 

A Policía Local de Ponteareas, dependente da concellería de Seguridade Cidadá que dirixe Vanesa Fernández, interceptou onte un condutor que cuadruplicaba a tasa de alcohol permitida.

Os feitos ocurriron sobre as 19:00 h aproximadamente do xoves 17, cando os axentes realizaban patrulla de vixilancia e observaron un vehículo que se incorporaba á vía sen facer o STOP existente, e que circulando pola vía invadía o carril contrario.

Ante a evidente condución errática proceden á detención do vehículo, observando que o seu condutor podía estar baixo a influencia de bebidas alcohólicas, polo que lle realizan a correspondente proba co etilómetro. O resultado obtido cuadriplicaba a tasa legalmente establecida, polo que se instrúen as correspondientes dilixencias como investigado nun delito contra a seguridade viaria, sendo citado para xuizo rápido.

A concelleira Vanesa Fernández insiste na importancia das campañas de concienciación para que non se consuma alcohol cando se vai coller conducir xa que “as vidas de inocentes poden estar en perigo cando un condutor colle o coche baixo os efectos do alcohol”.

Fernández destaca o traballo da policía local que vela pola seguridade de toda a cidadanía.