Axentes da Policía Local de O Porriño salvan a vida dunha cativa

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

A nena de tan só 2 anos chegou en brazos dos seus pais á Xefatura abafada por atragantamento

 

Os feitos ocorreron onte sábado, ás 19.40 h, cando dous axentes da Policía Local do Porriño acadaron reanimar con éxito a unha nena, de tan só  2 anos de idade, que estaba atragantada e xa non respiraba.

Os pais da nena acudiron á Xefatura da Policía Local coa nena explicando que acababa de atragoarse na casa. Un dos axentes que estaban de garda, fixo a manobra de reanimación cardiorrespiratoria a que respondeu con éxito, mentres outro axente solicitaba unha ambulancia. Cando chegaron os efectivos sanitarios, a nena xa estaba reanimada. Non obstante foi trasladada ata o Centro de Saúde do Porriño para a súa valoración.

Tanto dende a Alcaldía, coma pola Concellería de Seguridade, valorase moi positivamente a actuación dos axentes, que ven a revalorizar a importancia da formación continua pola que aposta o Goberno municipal porriñés.

Toda a plantilla da Policía Local recibiu e completou en 2019, un curso de reanimación cardiopulmonar -RCP- e manexo de desfibriladores -DESA-, para poder atender emerxencias como a ocorrida onte.

Aomesmo tempo todos os vehículos de patrulla están equipados cun “DESA” que se engade ao restante material que levan para atender emerxencias.

De xeito, xa en novembro pasado, a dotación dun coche patrulla da Policía Local do Porriño atendeu a un condutor en parada cardiorrespiratoria, tras sufrir un accidente de tráfico na rotonda do Cristo de Belén, acadando a estabilidade do reanimado ata chegada da ambulancia do 061.

 

 

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete