Mos anuncia novas contratacións para a execución subsidiaria de limpeza de predios

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

As empresas contratadas iniciarán os traballos o vindeiro mes de maio.

 

O Concello de Mos informou hoxe de que xa foron adxudicadas as 3 empresas (2 de tala e 1 de desbroce) que acometerán as execucións subsidiarias de limpeza de predios desde maio a outubro dentro do Plan Municipal de Prevención e Defensa contra os Incendios Forestais. Os representantes municipais aproveitaron para lembrar aos particulares propietarios de predios con limpezas pendentes que aínda están a tempo de executalas antes de que o Concello comece a actuar de oficio o vindeiro mes de maio. Este ano desde a administración local mosense faise un especial esforzo na prevención e loita contra os lunes forestais coa contratación destas 3 empresas, xa que o pasado 2020 foi unha única empresa a contratada.

Ante calquera dúbida, os propietarios de predios pendentes de limpeza poden chamar por teléfono á concellería de Medio Ambiente (986 09 70 37) para pedir cita e acudir a aclarar as cuestións que se plantexen a este respecto. O Plan Municipal de Prevención e Defensa contra os Incendios Forestais foi aprobado polo Concello de Mos en 2019 tras terse adherido ao convenio coa Consellería do Medio Rural, SEAGA e a Fegamp.

O Plan Municipal de prevención e defensa contra os incendios forestais é de elaboración, execución e actualización obrigatoria para os Concellos e intégrase dentro do PLADIGA (Plan de prevención e defensa contra os incendios forestais de Galicia) e dos Plans de Distrito; así como no Plan de Emerxencias Municipal, tendo sido redactado por un titulado universitario forestal. Este Plan Municipal inclúe aproximadamente 15.000 predios inventariados cuxos propietarios deben proceder á súa limpeza.

 

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete