O Concello informa do proxecto EYFEC ás primeiras asociacións porriñesas

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Iníciase a fase informativa para explicar o proxecto internacional de empoderamento da mocidade contra o cambio climático financiado pola UE

 

 

O Concello do Porriño iniciou a fase informativa cunha primeira reunión con diversas asociacións para explicarlles o proxecto EYFEC sobre mocidade e cambio climático, no abeiro do Programa de Desenvolvemento das Capacidades da Mocidade, xestionado directamente pola Comisión Europea e cun orzamento total de 150.000 €.

O proxecto internacional liderado polo Concello de Porriño “inclúe accións de capacitación con cursos, seminarios e campamentos formativos, e accións de mobilidade; coa organización de eventos no Porriño e nos países participantes que son Portugal, Cabo Verde e Mozambique”, segundo explicou Lourdes Moure, concelleira de Educación e Fondos Europeos.

A concelleira presidiu esta primeira reunión de traballo convocada a través da Oficina Municipal de Información Xuvenil -OMIX- e coa colaboración do profesor Amador Ordóñez, director do proxecto. Asistiron representantes das asociacións: Amas de Casa, “As Mimosas” de Carracido; Centro Cultural de Carracido; e representantes da entidade local menor de Chenlo, Casal Chan Budiño e San Xurxo de Mosende.

Xunto co Concello participan as ong’s ASPEA -Asociación Portuguesa de Protección Ambiental- e a mozambiqueña ASEJANA -Asociación para a Xuventude e Educación de Adultos de Nampula-; tamén o centro de ensino porriñés IES Ribeira do Louro, en representación da Consellería de Educación da Xunta de Galicia e a Universidade de Cabo Verde.

O proxecto denominado EYFEC -siglas de “Empowering Youth for Facilitating Ecological Transition”- ten como obxectivo empoderar á mocidade e ás institucións públicas e ás ong’s, como axentes de cambio para o desenvolvemento ambiental sostible, obxetivo que cobra especial importancia no contexto actual de crise económica, provocada pola pandemia sanitaria.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete