O Concello do Porriño pecha a venta dunha parcela industrial no PPI7

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

A parcela de titularidade municipal vendeuse á firma “IBEREMBAL” por máis dun millón de euros

 

 

O Concello do Porriño anuncia a venda dunha parcela de titularidade municipal á firma “IBEREMBAL” por un importe de 960.000 €, cantidade á que hai que engadir o correspondente 21% de IVE.

O terreo, localizado no PPI-7, ten 13.335 m2 de superficie dos que 10.668 son edificables con fins industriais. A firma compradora vai construir unha fábrica de envases metálicos para conservas alimenticias.

“IBEREMBAL” foi a única empresa que presentou plica no prazo de presentación de ofertas convocado polo Concello do Porriño, que rematou en decembro de 2020.

A operación realizase mediante un decreto da Alcaldía, despois de que no último pleno da Corporación Local, celebrado o 30 de decembro, a suma de votos do PP bloquease a aprobación da venda, que suporá un ingreso moi importante para a tesourería municipal.

Segundo estableceu o pacto de goberno municipal que firmaron PSOE e BNG, a Alcaldía delegou no pleno da Corporación, desde decembro de 2019, as competencias sobre vendas, permutas, arrendamentos e cesións de bens inmobles de titularidade municipal. Sen embargo, debido ao bloqueo motivado polos votos do PP, a Alcaldía decidíu avocar para sí esta competencia delegada con carácter especial, para a formalización da venda desta parcela, segundo o decreto firmado pola alcaldesa, Eva García con data de 12 de xaneiro.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete