ASOCIM Galicia pronúnciase polo crime machista rexistrado en Gondomar

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

A Asociación de Profesionais dos Centros de Información á Muller mostra a súa repulsa, a súa dor e a súa impotencia e pide reforzar os CIM con máis medios persoais e materiais

 

Este mércores unha veciña da parroquia de Mañufe, en Gondomar, foi asasinada polo seu marido que, posteriormente, intentou quitarse a vida. Con ela, xa son tres as mulleres vítimas mortais a causa da violencia de xénero na comunidade galega no que levamos de 2020, tralos crimes machistas rexistrados a principios de ano na Pastoriza e en Lugo.

A Asociación de Profesionais dos Centros de Información á Muller de Galicia -ASOCIM- mostra a súa repulsa polo ocorrido e traslada o seu pesar por este novo asasinato machista co que ascenden a 42 as mulleres asasinadas polas súas parellas ou exparellas este ano, 1.075 desde que existen rexistros, ano 2003.

ASOCIM pon o foco na necesidade de contar con Centros de Información á Muller fortes que permitan atender dignamente ás vítimas de violencia machista con todas as garantías. Nesta liña, leva tempo denunciando a falta de persoal nos CIM e a necesidade de máis perfís profesionais para xestionar en condicións óptimas o horario de atención de cada centro segundo as súas especificidades, tendo en conta a súa localización e se se ocupan de asistir a varios municipios de forma conxunta e/ou a zonas moi poboadas.

Ante este novo caso de violencia de xénero, a entidade fai unha chamada á responsabilidade dos medios da comunicación para que cumpran coas indicacións da Declaración de Compostela no tratamento informativo, fuxindo do sensacionalismo á hora de informar das mulleres asasinadas en crimes machistas e respectando e protexendo a súa intimidade e a dos seus fillos@s menores se fora o caso.

Os Centros de Información á Muller son un conxunto de recursos das entidades locais desde os que se artella unha intervención global dirixida ás mulleres e que proporcionan asesoramento xurídico, atención psicolóxica, orientación profesional e sociolaboral, así como calquera outra información encamiñada á

consecución da igualdade efectiva entre mulleres e homes. Desde a súa constitución en 2015, ASOCIM traballa na promoción do recoñecemento social d@s profesionais dos CIM e da igualdade de dereitos e oportunidades entre homes e mulleres como garantía dos dereitos humanos.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete