Mos presenta o seu programa conmemorativo do 25N, Día Internacional da Eliminación da Violencia contra a Muller

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Agás o manifesto na Praza do Concello, a programación mosense do Día contra a Violencia de Xénero será fundamentalmente virtual e cun toque moi colorido: o municipio tinguirase de morado con globos en todas as fachadas.

 

O Concellode Mos presentou onte a programación municipal conmemorativa do 25N, Día Internacional contra a Violencia de Xénero, (enmarcada na campaña municipal co lema ‘Que a mascarilla non te cale’ [sic]), que se celebra o vindeiro mércores e que este ano está condicionada pola nova normalidade e as circunstancias marcadas pola crise sanitaria da COVID-19.

Ante a recomendación de non celebrar actividades presenciais, evítanse os actos con público e no seu lugar organizouse unha iniciativa visual: a idea é tinguir de cor violeta ou morado, a cor conmemorativa do 25N, o Concello, para o cal estanse repartindo globos desa cor para que todo o mundo decore as súas fachadas. O reparto está a facerse entre estudantes dos colexios para que os coloquen nas súas casas, farmacias, comercios, outros negocios locais, edificios públicos municipais, zonas comerciais e urbanas, Escola Municipal de Música, campos de fútbol, etc.

Ademais comezaron esta semana nos Colexios de Mos charlas sobre igualdade. E o día 25 proxectarase en redes sociais a curta documental elaborada a raíz do curso ‘Namórate de ti’ e que versa sobre todo o proceso que implicou a realización deste curso por parte das 12 mulleres participantes. Esta curta documental, de entre 8 e 10 minutos de duración, foi grabada tamén por dúas mulleres.

Comezouse a rodar ao inicio do curso e aborda todo o procedemento de como lles cambia a perspectiva ás mulleres participantes tras haber levado a cabo esta acción formativa. A estrea do documental será, como se dixo, feita con motivo do Día Internacional contra a Violencia de Xénero. O curso constou de sesións grupais nas que as participantes compartiron unhas vivenzas enriquecedoras a través da cohesión grupal e a autoobservación.

Tratouse dun curso destinado a mulleres desempregadas, ou que precisaban voltar a confiar en si mesmas, vítimas de violencia de xénero, en perigo de exclusión social, etc. Os obxectivos: mellorar a calidade de vida das mulleres a través dos obradoiros e potenciar as súas cualidades e capacidades. O obradoiro foi impartido por Tegra Gómez e Patricia Maquieira.

Pola súa banda a exposición ‘Namórate de ti’ permanecerá aberta ao público ata o vindeiro 30 de novembro no Pazo de Mos. Trátase dunha mostra fotográfica baseada no curso de autoestima e empoderamento a través da fotografía impartido a 12 mulleres.

Por  último, non podía faltar nun Día contra a Violencia de Xénero, o tradicional e necesario manifesto. O propio 25N ás 12.00 horas na Praza do Concello farase lectura do manifesto oficial do Concello de Mos con motivo do Día Internacional Contra a Violencia de Xénero.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete