Salceda pon en marcha "Noites na rúa" para dinamizar o comercio local

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Dende outubro e ata rematar o ano -con opción de amplialo- os primeiros fin de semana de mes a vila salcedense acollerá diversas actividades como descontos nos comercios, pinchos e consumicións a 2 €, música ou animación infantil

 

O Concello de Salceda de Caselas e a Asociación de Comerciantes da vila -ACISA- presentaron esta mañá o programa “Noites na Rúa”, que cada primeiro fin de semana de mes vai acoller diversas actividades culturais e descontos nos establecementos participantes e nos locais de hostelería. O obxectivo é o de dinamizar o comercio local nestes momentos complexos tras os meses de confinamento e restricións derivadas da pandemia da covid 19. A alcaldesa, Loli Castiñeira, e a Concelleira de comercio, Verónica Tourón, estiveron acompañadas pola presidenta e a secretaria de ACISA, Elisa Rodríguez e Alicia Cidanes.

Un total de 25 establecementos participan na iniciativa, 16 comercios de diversos sectores que ofrecerán descontos do 25% e permanecerán abertos ata as 22:00 h nos días de actividade, e 9 locais de hostelería que ofrecerán ofertas de “pincho máis consumición” dende 2 €. A programación complétase, nesta primeira fin de semana, con animación infantil polas rúas na tarde do venres 2 de outubro e co concerto de “El Patio” o sábado 3 ás 21:00 h na Praza do Concello. Ademais haberá reparto de flocos de millo gratuítos a tódalas nen@s que queiran achegarse.

Deste xeito, comercio, hostelería e Concello queren ir da man nun momento complexo para o pequeno comercio, fomentando o consumo no pobo e atraendo ao mesmo tempo a posible clientela que poida achegarse dende outros Concellos.

Esta iniciativa únese a outras accións de apoio ao sector comercial dende o inicio da pandemia, como foi a bonificación de diferentes taxas durante os meses do confinamento ou a recente instrucción aprobada en Xunta de Goberno que lles permite aos locais de ocio nocturno contar cun permiso provisional de bar para que poidan exercer esta actividade mentres dure o peche do ocio nocturno, que no caso de Salceda afecta a seis establecementos.

A concelleira de Comercio, Verónica Tourón, agradeceu especialmente a colaboración de ACISA non só nesta actividade se non ao longo de todo o ano pois “as noites na rúa tiveron que irse adiando por mor da COVID, pero agora estamos en condicións de ofrecer este programa con seguridade para a veciñanza e aplicando tódolos protocolos precisos neste momento. Temos a sorte de que o comercio de Salceda resistiu ben a esta crise, polo que actividades coma esta seguirán a fomentar o consumo no noso pobo”.

A alcaldesa de Salceda, Loli Castiñeira, agradeceu o traballo realizado pola concelleira de Comercio, Verónica Tourón, en apoio ao sector do comercio local, lembrando que “é a hora de devolverlle ao comercio todo o que nos deu nos momentos do confinamento, en que estiveron á nosa disposición para o que fomos precisando, e ademais facémolo poñendo en valor dous sectores dos máis castigados pola pandemia: a cultura e o pequeno comercio”.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete