A supresión do paso a nivel está máis preto dende hoxe

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Así o afirma a alcaldesa do Porriño ao anunciar que ADIF adxudicou os estudos e redacción do proxecto por 854.000 €

 

A alcaldesa do Porriño, Eva García de la Torre, anuncia aos porriñeses que “a ansiada supresión do paso a nivel ferroviario polo centro da vila está dende hoxe máis preto de materializarse, grazas a que o Goberno Central ven de adxudicar os estudos e a redacción do proxecto para a súa supresión”.

A alcaldesa foi informada esta mañá polo Ministerio de Transportes que  ADIF resolveu a licitación que estaba en curso. O contrato adxudicouse a unha unión temporal de empresas formada polas firmas “GOC” e “Prointec” por un importe de 854.603 €.

A rexidora anunciou que “de inmediato comezarán os primeiros traballos técnicos sobre o terreo con catas para o estudo xeotécnico” segundo a información que recibiu de ADIF. Eva García manifestou agardar que “o proxecto unha vez redactado, teña o desexable financiamento público para que se faga realidade”.

Nos últimos anos, a alcaldesa do Porriño mantivo varias entrevistas de traballo cos responsables de ADIF -a última en marzo antes da declaración do estado de alarma- para activar este proxecto tan demandado pola cidadanía. 

O Ministerio explica nunha nota oficial remitida hoxe ao Concello do Porriño que a “complexidade da actuación a acometer nunha contorna densamente edificada, require abordar unha serie de estudos e proxectos agora licitados cara a definir as obras que finalmente van permitir a supresión do paso a nivel”.

Entre as razóns que explican a complexidade da actuación, a nota ministerial lembra a considerable circulación de tráfico rodado (ao redor de 6.500 vehículos diarios), de peóns que transitan por esa zona e que, ademais, hai unha media de 33 circulacións ferroviarias diarias.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete