A Banda de Música Popular de Tui “deixa” o Conservatorio Municipal

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Dende a Banda de Música Popular de Tui queren expresar o seu malestar co Goberno Municipal, co Conservatorio e a Escola de Música Municipal de Tui, tras a súa negativa constante nos últimos meses a ensaiar no Conservatorio Municipal, lugar onde levaban 18 anos desenvolvendo a súa actividade

 

 

Este xoves día 16 de setembro, recibiron unha chamada do director do Conservatorio, na cal se lles esixía retirar todo o seu material (cadeiras, material de percusión,etc.), cousa que nunca se lles notificou por parte do concello. Ante este situación, vense na obriga de gardar o material en diversas casas particulares dos compoñentes da agrupación, sen contar o gasto económico que supuxo desprazar todo ese material.

 

Dende a volta á “nova normalidade”, nunca puideron volver a utilizar o local de ensaio. Sempre tentaron dialogar co concello para buscar unha solución ao problema, sen acadar resposta nin preocupación algunha. A premisa dada para a entrega das chaves foron as recomendacións sanitarias ante a Covid-19, pero non teñen moi claro a finalidade desta decision, xa que dende hai tres meses a Banda de Música está realizando ensaios no pavillón de deportes de Guillarei, ocupado actualmente polo Colexio, con todo o protocolo sanitario establecido pola Xunta e ser ter ningún contratempo ata a data. Cren que isto é só unha escusa, xa que sempre estiveron dispostos a tomar as medidas adecuadas para que non houbera ningún problema (desinfectar as zonas utilizadas, ensaiar ao aire libre, grupos reducidos…) ensaiando no propio conservatorio.

 

Resultalles incrible ter que abandonar o establecemento onde realiza as súas actividades o Conservatorio e a Escola de Música Municipal de Tui, cando foi precisamente a Banda de Música Popular de Tui quen impulsou e deu os primeiros pasos para que Tui teña hoxe un conservatorio de música profesional.

 

Por outra parte, tamén queren mencionar a súa admiración pola magnífica xestión que se está levando a cabo nos concellos veciños coas súas respectivas bandas, servindo como exemplo neste caso o Concello de A Guarda, O Rosal, Tomiño, Salceda de Caselas… nos cales apostan por unha cultura local segura.

 

A Banda de Música Popular de Tui segue aberta ao diálogo para chegar a unha solución na que poidan seguir realizando a súa actividade con toda normalidade.

 

Tamén queren dar as gracias a todas as persoas que os apoia e lles ofrece a súa axuda, a cal é moi importante nestes momentos tan complicados para todos.

 

 

 

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete