O U.D. Mos Femenino homenaxeado polo seu ascenso a Primeira Nacional

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Na celebración non faltou o protagonismo para o equipo infantil da Unión Deportiva, que tamén logrou ascender a Primeira Galicia

 

 

Esta tarde celebrouse, sobre as 20.00 h nos exteriores do Pazo de Mos, a recepción ás xogadoras do U.D. Mos Femenino polo seu ascenso a Primeira Nacional e entregóuselle tamén o diploma por parte da Federación Galega de Fútbol ao equipo Infantil da U.D. Mos polo seu ascenso a Primeira Galicia.

No acto estiveron presentes a alcaldesa de Mos, Nidia Arévalo; o presidente da RFGF, Rafael Louzán; o vicepresidente da RFGF en Vigo, Fernando Iglesias; delegado de Vigo da RFGF, Delfín Alonso; presidente da U.D. Mos, Pablo Alonso Serodio; a concelleira de Deportes, Begoña Toucedo; a Capitana do U.D. Mos Feminino, Yolanda Lago; o adestrador do U.D. Mos Feminino, Telmo González; o capitán do equipo da U.D. Mos Infantil que ascendeu a Primeira Galicia, Mario Alonso; o capitán equipo da U.D. Mos Infantil, José Antonio Ucha; o adestrador equipo U.D. Mos Infantil, Borja Campo; o 2º adestrador equipo U.D. Mos Infantil, José Ángel Cortegoso; demais membros da Corporación Municipal, da Federación Galega de Fútbol e da directiva e equipo técnico da Unión Deportiva Mos, así como as xogadoras do U.D. Mos Femenino.

Cristian Taibo, coordinador deportivo da U.D. Mos, fixo de mestre de ceremonias conducindo o acto e narrando a historia do ascenso a Primeira do U.D. Mos Femenino e o que supón para o clube este grandísimo logro.

Pola súa banda, tamén fixeron unha emotiva intervención a Capitana do U.D. Mos Feminino, Yolanda Lago, e Vanesa Rodríguez. Ambas son as xogadoras máis veteranas do equipo e que, ademais, precisamente retíranse esta tempada, polo que as súas palabras foron cargadas de gran emoción e sentimento.

Tras elas chegaron as verbas do presidente da U.D. Mos, Pablo Alonso Serodio; da alcaldesa de Mos, Nidia Arévalo; e do presidente da Real Federación Galega de Fútbol, Rafael Louzán.

Todos os presentes concluíron en destacar a valía destas mulleres e o meteórico da súa traxectoria deportiva, sendo un auténtico exemplo de traballo duro, esforzo, superación e deportividade para toda a cidadanía mosense e un verdadeiro orgullo para o Concello de Mos.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete