A xornada electoral mobilizará máis de 6800 axentes en toda Galicia

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Prestarase atención a tódolos elementos que poidan interferir nas votacións con patrullas fixas e móbiles, para garantir a seguridade dos electores e das instalacións electorais no 12 de xullo

 

 

 

A Delegación do Goberno en Galicia colabora coa celebración da xornada electoral do próximo domingo a través do dispositivo de seguridade, que mobilizará a 6.866 axentes en toda Galicia. O delegado do Goberno en Galicia, Javier Losada, comprometeu a maxima cooperación ao vicepresidente da Xunta, Alfonso Rueda, nunha reunión que mantiveron o pasado mes de xuño para pechar este dispositivo, que supón unha achega de 416.337 euros por parte do Goberno Central.

 

Do total de axentes que despregarán o domingo, 3.791 corresponden á Garda Civil seguida do Corpo Nacional de Policía, que aportará 2.001 efectivos. Contarase tamén con 927 axentes de diferentes policías locais e 147 membros da Policía Nacional adscrita á Comunidade Autónoma.

 

Este dispositivo será o encargado de garantir que a votación se faga con garantías e sen incidentes. Para iso combina o despregamento de patrullas fixas e móbiles que comprobarán as instalacións de votación e os seus entornos. Ademais, complétase coa vixiancia de infraestruturas críticas, como as que garanten os suministros de luz e redes de comunicación, evitando que calquera incidente poida alterar a xornada electoral, dende antes da apertura dos colexios ata despois do reconto.

 

En canto á organización do mesmo, as Subdelegacións do Goberno nas provincias son as encargadas de adaptar a distribución dos axentes no seu territorio, adaptándoos ás circunstancias propias de cada un deles.

 

 

 

 

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete