Galicia e Portugal coinciden na necesidade da Cooperación para reactivar os fluxos turísticos e a Peregrinación a Santiago

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Galicia e Portugal coinciden na necesidade da Cooperación para reactivar os fluxos turísticos e a Peregrinación a Santiago

O conselleiro de Cultura e Turismo reuniuse coa secretaria de Estado de Turismo do país luso para avanzar en posibles accións conxuntas no Camiño Portugués

O conselleiro de Cultura e Turismo, Román Rodríguez, reuniuse hoxe por videoconferencia coa secretaria de Estado de Turismo de Portugal, Rita Marques, para avaliar o efecto da desescalada nos fluxos turísticos entre ambas zonas e traballar conxuntamente na reactivación do Camiño de Santiago, un eido no que xa veñen cooperando con resultados satisfactorios ao longo dos últimos anos.

Nesta liña, o titular de Cultura e Turismo, acompañado pola directora da Axencia Turismo de Galicia, Nava Castro, trasladoulle á mandataria lusa o obxectivo de reforzar os vínculos entre ambos territorios retomar as liñas de colaboración abertas para poñer en valor a riqueza patrimonial, cultural e natural que comparten Galicia e Portugal. Neste sentido, Román Rodríguez salientou a importancia de recuperar os fluxos entre Galicia e Portugal e de deseñar accións conxuntas, particularmente no que atinxe ao Camiño Portugués.

O traballo conxunto, tal e como explicou o titular de Cultura e Turismo do Goberno autonómico, permitirá establecer estratexias que preparen a ambos territorios para superar os obstáculos da crise sanitaria e afrontar con certezas a realidade do escenario posterior ao coronavirus afianzando a nosa imaxe como destino seguro e de confianza, precisou.

O portugués é o principal mercado estranxeiro de Galicia e supón o 20% da demanda turística internacional. Tanto é así que só no pasado ano visitaron a nosa Comunidade máis de 265.000 turistas procedentes do país veciño. Ademais, a nacionalidade lusa tamén é unha das máis frecuentes no Camiño de Santiago e Portugal é un dos principais países de procedencia na Ruta Xacobea, só por detrás de Italia, Alemaña e Estados Unidos.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete