A Asociación AGL continúa co servizo de fisioterapia especializado no tratamento de linfedema

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

A Asociación AGL continúa co servizo de fisioterapia especializado no tratamento de linfedema

O obxectivo deste proxecto é mellorar as capacidades de cada participante para facilitar a súa autonomía persoal, a través da integración social e laboral.

A Asociación Galega de Linfedema, Lipedema, Insuficiencia venosa crónica e outras patoloxías vasculares periféricas (AGL) está de volta coa continuación do proxecto “Servizo de Fisioterapia especializado en Linfedema e Lipedema”. Iniciando en xaneiro deste ano, este proxecto que subvenciona a Xunta de Galicia e a Fundación ONCE  a través dos fondos do 0,7% do IRPF da declaración da renda, tivo que realizar un parón a causa do COVID-19, pero agora volve reiniciar con todas as medidas necesarias de salubridade.

AGL desenvolve este proxecto en distintos concellos de Galicia, co fin de mellorar as capacidades e facilitar a autonomía persoal de cada participante a través da integración social e laboral. Actualmente son 90 as persoas que acoden a este servizo especializado no tratamento de linfedema e lipedema que se trata en 13 clínicas especializadas situadas nos concellos de: A Coruña, Lugo, Ourense, Pontevedra, Vigo, Vilagarcía de Arousa, Santiago de Compostela, Ferrol, Culleredo e Baio.

Dende AGL transmiten que estes tres meses de parón nos tratamentos resultou ser prexudicial para moitas das persoas usuarias do programa. Indican que, a pesar dos coidados que realizaban elas mesmas na casa, sentiron un agravamento do seu linfedema, o que constata a necesidade deste servizo para a mellora do día a día das persoas que teñen esta doenza.

O Linfedema é a alteración do sistema linfático, unha enfermidade grave, crónica e progresiva, de evolución lenta, que proporcionalmente afecta máis ás mulleres. Na actualidade non existen fármacos ou intervencións cirúrxicas eficaces. O tratamento fisioterapéutico especializado está demostrado que é o máis efectivo para evitar que a enfermidade empeore e se agrave.

Segundo a Sociedad Española de Angiología y Cirugía Vascular (SEACV) e a Sociedad Española de Rehabilitación y Medicina Física (SERMEF), máis de 900.000 persoas en España, 50.000 en Galicia, teñen linfedema e estímase que anualmente serán 3.000 mulleres as que desenvolvan un linfedema asociado a intervencións de cancro de mama.

Asociación AGL

A AsociaciónGalega de Linfedema, Lipedema, Insuficiencia venosa crónica e outras patoloxías vasculares periféricas é unha Organización non Gobernamental constituída no ano 2004, co obxectivo principal de contribuír ao coñecemento, estudio e investigación do Linfedema e do Lipedema, así como promocionar e levar a cabo toda clase de accións destinadas a mellorar a situación das persoas con Linfedema e Llipedema e outras patoloxías análogas, así como ás súas familias.

Para máis información:

López Ballesteros nº 13 / oficina 4. Edificio da Estación de Autobuses. Vilagarcía de Arousa

Tfno: 986 505 443 / Móvil: 630 024 428

Mail: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

Blog: www.linfedemagalicia.com

Facebook: @Asociación galega de linfedema

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete