Eva García visitou na Gran Vía madrileña as obras da réplica do Templete de San Luis

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Con motivo da súa visita á reunión con responsables de ADIF, a alcaldesa do Porriño aproveitou para visitar xunto ao responsable da empresa Godoy Maceira, as obras do metro de Gran Vía

 

Eva García de la Torre visitou na capital do Estado, xunto con responsables de Metro de Madrid e da empresa porriñesa “Godoy Maceira”, a réplica do Templete de San Luis que está a construírse, de novo, no seu antigo emprazamento, na estación de Metro de Gran Vía.

A empresa porriñesa, que dirixe Fernando Godoy, traballa dende abril nesta réplica da obra orixinal de Antonio Palacios, de hai un século e que conservamos no Porriño. A Comunidade de Madrid pretende inaugurar esta réplica xunto coas restantes obras de remoción da estación de metro de Gran Vía no vindeiro mes de xullo.

O empresario porriñés, xunto con María Teresa Díaz, coordinadora de relacións institucionais do Metro de Madrid, acompañaron á alcaldesa no percorrido polas obras de reconstrución.

Pola súa banda, Eva García explicoulle aos responsables do Metro de Madrid que O Porriño está a celebrar dende o 27 de outubro de 2020, o “Ano Antonio Palacios”, en conmemoración do 75 aniversario do seu pasamento e, precisamente, nesta fin de semana comezou outra das actividades programadas polo Concello, coas visitas guiadas teatralizadas que continuarán ata outubro.

A alcaldesa agasallou aos máximos responsables de Metro de Madrid, o conselleiro de Transportes da Comunidade, Angel Garrido; e a conselleira delegada da compañía de transportes, Silvia Roldán, con exemplares dos libros editados polo Concello do Porriño sobre Antonio Palacios. Do mesmo xeito, a alcaldesa recibiu un libro editado pola Comunidade de Madrid sobre o legado de Antonio Palacios na capital de España.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete