A Xunta presenta en Vigo os proxectos de urbanicación para a ampliación de San Paio de Navia

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Unha vez que o Goberno local aprobe os documentos, o Instituto Galego da Vivenda e Solo poderá comprar os terreos que faltan e licitar a primeira fase da obra.

 

A Consellería de Medio Ambiente, Territorio e Vivenda completou hoxe a presentación no Concello de Vigo dos proxectos de urbanización necesarios para a ampliación de San Paio de Navia. Deste xeito, o Goberno municipal dispón xa da documentación correspondente ás tres fases nas que se divide a urbanización e, polo tanto, pode continuar coa súa tramitación e aprobación, un paso indispensable para poder licitar as obras.

Así, o seguinte trámite será que o Concello de Vigo aprobe inicialmente os proxectos de urbanización para, de seguido, sometelos a exposición pública durante o prazo dun mes, solicitando simultaneamente os informes sectoriais que correspondan. Unha vez recibidos estes informes, a Administración local disporá dun máximo de tres meses para proceder á aprobación definitiva dos tres proxectos –fases 1, 2 e 3‑.

Cómpre lembrar que a aprobación dos proxectos de urbanización facultará ao Instituto Galego da Vivenda e Solo (IGVS) para levar a cabo a expropiación dos terreos que non se puideron adquirir mediante compravenda ou permuta. A tal fin, o IGVS iniciou a tramitación dos expedientes de expropiación o pasado 6 de abril, cando se publicou no Diario Oficial de Galicia a resolución pola que se iniciou o proceso de información pública dos proxectos para facerse coa titularidade destas parcelas.

Unha vez adquirida a totalidade dos terreos necesarios para a ampliación, o IGVS procederá á licitación da primeira fase das obras de urbanización en San Paio de Navia.

A ampliación do solo residencial neste ámbito permitirá a construción dunhas 1.600 novas vivendas protexidas na cidade de Vigo, o que suporá un investimento de 250 millóns de euros por parte de promotores públicos e privados sobre unha superficie de 265.000 metros cadrados que, ademais de vivendas, acollerán zonas verdes, superficies de uso terciario, máis de 1.000 prazas de aparcamento e un carril bici de dous quilómetros.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete