Máis de 460 persoas desfrutarán esta semana do programa “Depotermal 2019”

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Hoxe comezaron as saídas do programa diúrno da iniciativa de termalismo social da Deputación de Pontevedra que beneficia este ano a 4.500 veciñ@s da provincia

 

 

Un total de 462 persoas de idade avanzada da provincia gozarán ata o 15 de novembro do programa “Depotermal”, organizado pola Deputación de Pontevedra, con estadías en sete complexos hoteleiros e de ocio da provincia. Tres destes establecementos, o Hotel Talaso, o Hotel Carlos I e o Hotel Novo Astur, pertencen ó concello de Sanxenxo. Os outros destinos son o Hotel Louxo La Toja, O Balneario de Cuntis, o Hotel de Mondariz e as Termas de Cuntis, sendo este último o fixado para as estadías diúrnas. 

Deste xeito, o domingo comezaron as estadías con pernoita de seis grupos repartidos en: 109 rumbo ó Hotel Talaso de Sanxenxo, 38 para o Hotel Novo Astur, 46 para o Balneario de Cuntis, 30 destino o Hotel Louxo La Toja, 89 persoas gozarán do Hotel Carlos I de Sanxenxo, e outras 118 terán como destino o Hotel Mondariz. Así, un total de 430 persoas desfrutarán do programa con pernoita entre o domingo 10 e o venres 15.

No que atinxe ás saídas diúrnas, haberá 32 persoas repartidas en catro grupos que se desprazarán ó Hotel Balneario Termas de Cuntis dende hoxe e ata o venres 15. Máis polo miúdo, 18 inscritos partirán cada tarde dende Vilanova de Arousa, 6 dende Vilagarcía de Arousa, 5 dende Catoira e 3 dende a Illa de Arousa.

O programa de termalismo e saúde da Deputación está dirixido a persoas nadas antes do 1 de xaneiro de 1969 e ten por obxectivos promover o envellecemento activo e mellorar a calidade de vida da veciñanza da provincia, así como impulsar o establecemento de novas relacións sociais, favorecer a participación en actividades que melloren o seu estado de ánimo, potenciar espazos de encontro e intercambio de experiencias e evitar o illamento e situacións de soidade. “Depotermal” permite tamén dinamizar a economía da provincia, impulsando a creación e o mantemento de postos de traballo no sector turístico durante os períodos de menor actividade, desestacionalizando así a demanda.

Este ano, un total de 4.419 persoas vanse beneficiar do programa termal, das que 1.186 o farán en asistencia diúrna (durante cinco días consecutivos) e 3.233 persoas con pernoita (cunha estadía de 6 días e 5 noites).

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete