‘Mos humanizado’ da o seu primeiro paso coa senda de Pereiras

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

A obra, unha das principais propostas do programa electoral do goberno local, mellora a seguridade viaria entre o Colexio de Atín e a Igrexa de San Miguel de Pereiras

 

O goberno mosense comeza a cumprir os compromisos do apartado ‘Mos humanizado’ do seu programa electoral cunha senda en Pereiras. A alcaldesa, Nidia Arévalo, reuniuse co presidente da Xunta de Galicia, Alberto Núñez Feijóo, quen lle comprometeu á rexedora local o apoio autonómico nesta obra.

Nidia Arévalo informa a este respecto de que o equipo de técnicos municipais se atopa ultimando a redacción do proxecto para remitirllo á Xunta e iniciar os trámites pertinentes para a acometida da obra, “xa que é un dos nosos principais compromisos electorais para a presente lexislatura 2019-2023, ademais de dar resposta a demandas veciñais; por iso a priorizamos dentro das actuacións contempladas no plan ‘Mos humanizado’”, explicou Arévalo.

A senda peonil e mellora da seguridade en Pereiras, entre o Colexio de Atín e a Igrexa, terá unha lonxitude de 700 m. Esta senda virá a completar a actuación da senda peonil-ciclista executada pola Xunta na Estrada PO-331 e é prioritaria para a seguridade viaria do tráfico rodado e das persoas.

A mellora da seguridade viaria lograrase coa realización desta actuación comunicando equipamentos e favorecendo a integración e mobilidade. Os traballos a levar a cabo consistirán en realizar unha senda peonil, novas beirarrúas, instalar mobiliario urbano, mellorar a rede de servizos, dotar de iluminación pública, axardinamento, novo asfaltado e colocación de pasos elevados redutores de velocidade; ademais da mellora da sinalización viaria horizontal e vertical.

O orzamento estimado da acometida desta senda ascende a 175.000 €.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete