O Tyde FC participa por sexto ano consecutivo no Torneo Internacional de Fútbol de Versmold

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Este ano a Eurocidade terá dobre representación xa que tamén acudirá o Valenciano

 

 

O equipo alevín do Tyde F.C.  vai participar por sexto ano consecutivo no Torneo Internacional de Fútbol de Versmold, en Alemaña. A expedición tudense, formada por 53 persoas entre xogadores, directivos, adestradores e familiares, partirá mañá mércores ás 8 h dende a Estación de Autobuses de Tui.

O alcalde de Tui, Enrique Cabaleiro, xunto ao concelleiro Rafael Estévez, recibiron o luns á tarde no salón de sesións da casa do concello ao equipo. Os xogadores nerviosos e ilusionados a parte iguais están expectantes ante esta viaxe e competición internacional.

Enrique Cabaleiro explicaba na recepción como a participación do Tyde neste torneo xurdiu tras o acordo de irmandade asinado en 2011 entre Versmold e Tui. Ao tempo aproveitou para destacar como as relacións entre os dous municipios están hoxendía moi consolidadas. Dirixíndose aos xogadores indicoulles que “máis aló dos resultados o importante é a experiencia que ides vivir”. Aproveitou tamén para felicitar ao Tyde FC polo ascenso do seu equipo senior á Primeira Rexional.

Elías Vieiro, o presidente do Tyde FC explicou que acoden coa mesma ilusión que hai seis anos, cando viaxaron por vez primeira a Alemaña. Destacou o excelente trato que reciben durante o torneo, e oportunidade que terán os xogadores de convivir con outros nenos da mesma idade doutros países nunha experiencia que afirmou “vai ser inesquecible”.

Este ano a Eurocidade estará dobremente representada xa que amais do Tyde FC tamén se desprazará até Versmold o Valenciano. Mediranse ante equipos de Serbia, Polonia, Eslovaquia, Eslovenia, ou Francia. O Tyde gañou o torneo en 2017 e o ano pasado foi o terceiro clasificado. Máis aló da competición serán catro días de convivencia de nenos da mesma idade pertencentes a distintos países.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete