Salceda acolle o curso "A Apicultura moderna e sostible"

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Máis de 20 persoas participarán na acción formativa presencial no Centro Social A Devesa, que tamén ten unha parte online que se desenvolve ata setembro

O obxectivo é capacitar a persoas desempregadas para poñer en marcha explotacións apícolas modernas

 

 

A Deputación de Pontevedra desenvolve para a semana que vén en Salceda de Caselas a parte presencial do curso formativo  “A apicultura moderna e sostible”, enmarcado no proxecto DepoApicultura,  e que se desenvolve ata setembro. O vindeiro martes -16 de abril- e o mércores -17 de abril- vai ter lugar, no Centro Social A Devesa, a formación presencial desta iniciativa, en horario de 9 a 14 horas, e na que van participar máis de 20 persoas. Esta iniciativa tamén ten unha formación online, que se desenvolve ata o mes de setembro. En total, son 50 horas de formación, 40 a distancia e 10 presenciais. Trátase de actuacións totalmente gratuítas.

DepoApicultura é un proxecto cofinanciado polo Fondo Social Europeo, que se desenvolve en zonas rurais da Rede Natura das provincias de Pontevedra e de Zaragoza, cuxo obxectivo é o de mellorar a empregabilidade no sector apícola, sobre todo daquelas persoas con dificultades de acceso ao mercado laboral. Dentro destas accións formativas, as persoas participantes aprenderán conceptos e técnicas para levar adiante explotacións apícolas modernas. Entre outros contidos, poderán achegarse, por exemplo, ás técnicas para a extracción do mel, a elaboración de produtos derivados do mel, os métodos para a cría masiva de raíñas ou a situación e orientación das colmeas.

O proxecto DepoApicultura inclúe tanto accións formativas presenciais como mixtas. Só cursos presenciais teñen lugar no Rosal, en Vilaboa e en Barro, todos eles xa iniciados. Os cursos mixtos, coma este de Salceda de Caselas, teñen cabida tamén en Ponteareas e no Rosal.Tanto os cursos presenciais coma os mixtos contan con sesións teóricas e prácticas. En canto á teoría, a formación céntrase na apicultura moderna e na elaboración de plans empresariais, nas estratexias de busca de emprego e na preparación do CV. Pola súa banda, as sesións prácticas abordarán cuestións relativas ao estado das colmeas, á súa división, á preparación da colmea incubadora, á cría masiva de raíñas, á revisión e colocación de alzas, á extracción do mel, á profilaxe e tratamentos sanitarios e á elaboración de produtos derivados do mel.

O proxecto DepoApicultura, cun orzamento de máis de 100.000 euros, ten por obxectivo capacitar ás persoas para a posta en marcha e mantemento dunha explotación apícola moderna, informando sobre as posibles orientacións produtivas e fomentando novas vías de xestión e comercialización mediante o emprego de novas tecnoloxías.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete