Isabel Blanco protagoniza en Ponteareas o Venres D_letras de xaneiro

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

A escritora ponteareá presenta -este venres 11, ás 20.30 h no salón de Plenos do Concello- unha biografía de María Vinyals dirixida aos mozos

 

Esta semana terá lugar o primeiro Venres D_letras do ano que, nesta ocasión, estará protagonizado pola avogada e animadora cultural de orixe ponteareá Isabel Blanco. Coma sempre, o ciclo desenvolverase no Salón de Plenos do Concello de Ponteareas a partir das 20:30 h, como parte das actividades organizadas pola Concellería de Cultura.

"María Vinyals. Un talento rebelde", é unha recreación literaria da biografía de María Vinyals, ecritora, articulista e pioneira do feminismo en Galicia, inxustamente esquecida na actualidade. Nacida en 1875 no castelo de Soutomaior, foi autora dunha historia do devandito castelo, no que pasou boa parte da súa vida, que quedou como referencia para todos os estudosos da fortaleza.

Dirixida a un público xuvenil, esta novela achéganos a historia de María Vinyals a través da perspectiva dun imaxinario fantasma que habita o castelo e co que ela amiga sendo nena, desenvolvendo así unha historia imaxinativa pero que non deixa de estar moi apegada á realidade. Amais, o libro está fermosamente ilustrado por Luz Beloso, unha das ilustradoras máis relevantes de Galicia e colaboradora habitual da autora.

Isabel Blanco é licenciada en Dereito pola Universidad de Granada. Dende 1989 exerce en Vigo como avogada especializada en dereito matrimonial e de familia, violencia de xénero e menores. Logo de gañar algúns certames literarios, en 2012 publicou o primeiro libro de relatos en castelán «Historias de almas inquietas», ao que non tardaría en seguir «Los mundos ajenos» e mailo poemario en galego «Verbas cum». Dende entón emprega o galego como lingua habitual.

Tamén é autora dunha triloxía dedicada ao público infantil -«As receitas de Rosaura», «Rosaura e o mar», e «Rosaura, cesteira de Mondariz»-, sempre en colaboración coa ilustradora Luz Beloso.

O vindeiro mes de febreiro o ciclo continuará coa presentación da novela «Besta do seu sangue», de Enma Pedreira, coa que o ano pasado acadou o Premio Xerais.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete