Os Magos de Oriente e o Tren da Ilusión repartirán maxia e ledicia en Ponteareas

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Ponteareas prepárase para acoller a chegada dos Magos de Oriente que repartirán maxia e ilusión este sábado día 5 a partir das 17.00 h

 

A concelleira de Cultura, Hortensia Bautista, informa que ás 12.00 h do sábado, os Magos de Oriente estarán na Casa do Concello para saudar a todos os presentes e ser recibidos polo alcalde de Ponteareas, Xosé Represas; e xa ás 16:30 h darase paso á festa coa animación, que encherá de ledicia as rúas e prazas do centro urbano. Tremiñado, os Ranchos de Reis, a Rondalla do Centro Cultural de Valladares e os performance de Pablo Méndez, serán algúns dos ingredientes desta tarde festiva, na que tamén colaborarán a Asociación Cultural Clásicos e Históricos do Condado, lucindo os seus fermosos vehículos; e o Club Ciclista Ponteareas, que se porá ao servizo dos Magos de Oriente.

A saída do desfile dos Magos de Oriente será como de costume dende o CEIP Fermín Bouz Brey ás 17.00 h hacia a rúa Rosalía de Castro, pasando pola Casa do Concello e continuando polas rúas Constitución, Oriente, Praza Maior, Arxentina, Fernández de la Vega, Reveriano Soutullo, de novo Constitución, Praza Maior, Esperanza e Morales Hidalgo; para rematar no auditorio municipal donde todas @s pequen@s, recibirán da man dos Magos de Oriente un agasallo.

Unha vez completado o aforo as familias irán entrando cada vinte minutos para que ningún dos cativos e cativas de Ponteareas quede sen o seu agasallo de Nadal.

Ao longo do seu percorrido os Magos de Oriente repartirán máis de 3.000 kg de caramelos sen glúten. O Concello quere agradecer a colaboración das comunidades de montes e dos ranchos de Reis de Forzara, Guláns e os Muíños de Oliveira, da Asociación de Coches clásicos de Ponteareas, da banda de gaitas Tremiñado, da rondalla e dos voluntarios en xeral que acompañarán este séquito real que irá franqueado de bonecos articulados, entre outras sorpresas.

A Concellería de Seguridade Cidadá desplegará aos seus efectivos, Polícia Local, Bombeiros e Protección Civil, que velarán polo bo desenvolvemento da actividade festiva.

O tren da ilusión invadirá ás rúas do centro urbano e tamén as parroquias para repartir maxia e sorrisos. Dende a praza Bugallal o tren da ilusión sairá ás 10:30, 11:15, 12:00, 12:45, 18:30 e 19:15 horas para percorrer coa súa ledicia as rúas do centro urbano. 

Pola tarde, a partir das 16.00 h, sairá dende o barrio de Valverde de Santiago de Oliveira para visitar San Lourenzo de Oliveira; ás 16:40 h percorrerá Celeiros, sendo o punto de partida o torreiro das festas; e ás 17:15 h, tamén dende o torreiro de Guillade, arrincará unha nova ruta.

O domingo día 6 o tren da ilusión volverá ás parroquias con distintos puntos de saída: ás 10:20 h, dende o centro cultural de Moreira; ás 11.00 h, dende o centro cultural de Cristiñade; ás 11:45 h, dende o centro cultural de Guláns; e ás 16.00 h, dende o centro cultural de Fozara, para continuar cun novo punto de partida ás 17:00 h na Capela de San Francisco en As Cortellas -acompañará o Rancho de Reis pola parroquia-; e ás 17:30 h, no torreiro de Padróns. 

Este ano, por primeira vez, a Concellería de Cultura en colaboración coas casas e centros culturais, ampliou a programación tamén as parroquias: Luces, maxia, teatro, canto coral e o Tren da Ilusión, visitan as parroquias de Ponteareas, nun afán de extender a programación cultural ao conxunto do municipio.

Como novidade, tamén haberá o domingo día 6, Cabalgata dos Magos de Oriente en Areas a partir das 10:30 h; e no centro cultural de Xinzo, a partir das 16:30 h. Ás 18.00 h, os Bolechas visitarán o auditorio municipal de Ponteareas para despedir con todos os pequen@s de Ponteareas o Nadal.

Ademais, o domingo tamén actuará o Rancho de Reis de Guláns ás 12:30 horas no centro cultural e ás 18:30 horas o Rancho de Reis das Cortellas deleitará a todos e todas os que se acheguen a este barrio de Padróns.

O equipo de goberno convida a todas as familias a asistir e participar nos actos festivos que arrincan ás 16.30 h da tarde con animación de rúa e música. 

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete