Marcos Besada será novamente candidato á Alcaldía de Salceda nas próximas Elecións Municipais

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

O actual grupo gobernante -Movemento Salceda- fixo a súa reeleción confiando no actual rexidor dende que ocupase o cargo no 2007

 

 

O alcalde nacionalista de Salceda de Caselas, Marcos Besada, foi ratificado por unha ampla maioría na Asemblea de Movemento Salceda como candidato a liderar a lista que concurrirá ás próximas eleccións municipais do 26 de maio.

Marcos Besada, de 44 anos de idade, ostenta o cargo de rexedor do Concello de Salceda de Caselas dende que no ano 2007 desbancara ao Partido Popular tras 32 anos de goberno.

A Xunta Coordinadora de Movemento Salceda agradece ao Alcalde Marcos Besada e ao seu Equipo o seu traballo realizado por cumprir coa enorme responsabilidade de proxectar unha nova imaxe de Salceda: un Concello activo, dinámico, moderno e emprendedor; un Concello de xente nova que busca novos horizontes e calidade de vida.

No ano 2007 Salceda iniciou un proxecto de cambio e transformación liderado por un Alcalde, Marcos Besada, que xerou confianza nos veciños e veciñas e soubo darlle estabilidade, solidez e eficacia á acción do Goberno Municipal. Ninguén dubida do novo estilo de goberno, un goberno para todos e todas no que todo o mundo é tratado por igual independentemente das súas ideas.

Do proxecto de cambio e transformación de Salceda, dende Movemento Salceda valoramos o esforzo por crear novas infraestruturas e servizos que non existían no Concello. Nestes 12 anos acadamos varios soños co esforzo e o apoio dunha maioría social grazas a que apostamos polo diálogo permanente cos nosos veciños e veciñas. Púxose de manifesto un novo urbanismo pensado para as persoas: humanizamos o casco urbano de Salceda poñendo en valor os principais espazos públicos como a Praza do Concello, o Parque Raíña Aragonta ou o entorno da Praza de Abastos. A recuperación de edificios públicos para a creación de novos espazos como a Casa da Cultura ou a Casa da Música son un claro exemplo da aposta por políticas culturais e sociais innovadoras.

O Programa de Alimentos, o Roupeiro Municipal, os Programas de Emerxencia Social, de Apoio á Infancia...están a paliar e a axudar a aquelas familias que están a sufrir con maior rigor a crise e os recurtes das políticas do Partido Popular.

A posta en valor da inmensa riqueza dos nosos ríos e regatos e do noso Patrimonio histórico, artístico e etnográfico, é un dos nosos sinais de identidade como Goberno. Os máis de sete quilómetros de Sendas Fluviais, os Parques Etnográficos  e a recuperación dos nosos monumentos supón un valor engadido moi importante tanto para a mellora da nosa calidade de vida como para atraer ata Salceda a visitantes que benefician a sectores como a Hostelería ou ao Comercio.

Marcos Besada afirma que “temos mellorado moito nestes doce anos mais queremos e podemos facer máis, porque Salceda merece máis. Preséntome con novas ideas, novos proxectos e o que é máis importante, coa garantía de contar cun equipo de persoas de confianza para levalos a cabo”.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete