Mos aprobará unha mellora da RPT o mes que ven

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

A sentencia que declaraba nula a actual está pendente, tras estimar o TSX o recurso por defecto de forma presentado polo Concello

 

 

O Concello de Mos presentou perante o Tribunal Superior de Xustiza un recurso de apelación á sentencia sobre a Relación de Postos de Traballo Municipal que a declaraba nula de pleno dereito a raíz dun recuso de GañaMos. O recurso do Concello fundamentábase nun defecto de forma que foi aceptado polo TSX e que deixa pendente a sentencia “da que no seu día tanto presumiu o grupo municipal GañaMos”, explica a rexidora local, Nidia Arévalo.

Así mesmo a administración local mosense leva meses traballando nunha actualización da Relación de Postos de Traballo, xa que o último documento data de fai case tres anos e dende entón existen na plantilla local novas situacións laborais que non se recollían no último texto.

Desde o inicio do traballo necesario para a redacción deste novo documento xa se celebrou unha Mesa de Negociación cos sindicatos, e mañá ás 09.00 h celebrarase, no salón de sesións da Casa Consistorial, a segunda Mesa de Negociación.

O Concello de Mos leva dende fai tempo traballando nesta nova mellora da Relación de Postos de Traballo e unha empresa está a realizar os labores necesarios para a nova optimización. A alcaldesa de Mos, Nidia Arévalo, anunciou a este respecto que espera que o vindeiro mes de novembro poida estar aprobada a devandita modificación e calcula que se levará a aprobación polo Pleno do Concello na sesión ordinaria do mes que ven, xunto co Orzamento Municipal para o ano 2019.

Esta empresa que se encarga da redacción da mellora da RPT mantivo reunións coa maioría dos traballadores e traballadoras para sondear as necesidades e opinións respecto dos diferentes departamentos municipais.

A última modificación da Relación de Postos de Traballo do Concello de Mos fora aprobada definitivamente en sesión plenaria de 25 de abril de 2016.

A sentencia resultado do recurso de GañaMos a esta última modificación afectaría a máis da metade da plantilla municipal mosense, tanto económicamente como no que respecta ao recoñecemento de funcións departamentais. Se ben, agora se atopa pendente de volver a iniciar o procedemento xudicial tras a aceptación do recurso municipal por parte do TSX.

O recurso non naceu de ningún traballador/a nin de ningún sindicato que decidisen emprender accións legais contra a RPT do 2016, senón do grupo político GañaMos.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete