Ponteareas regulará a estética das terrazas de hostalería

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

O goberno de Ponteareas aprobou unha redución na cota tributaria para resarcir as cantidades desembolsadas para adaptarse aos novos requisitos estéticos

 

O goberno de Ponteareas regula os aspectos estéticos das terrazas ao aprobar no pleno ordinario celebrado onte martes o “plan de ordenación estética das terrazas” que se anexará á ordenanza reguladora da instalación das terrazas.

Cos votos a favor do goberno este plan regulará as infraestruturas e mobilario urbano que vai ser permitido nas terrazas de veladores que ocupan os espazos públicos para mellorar a imaxe do concello.

Este plan de ordenación da estética das terrazas afectará solo ás zonas rehumanizadas, como por exemplo o Paseo Matutino, e ás novas novas licencias e a todos os que queiran voluntariamente contemplar a nova ordenanza. Dependendo da terraza que teña cada un terá unhas condicións estéticas diferentes

A concellería de Comercio, Hostalería e Consumo que dirixe Inés Vidal pretende que con este plan se consigan espazos de identidade e unidade de imaxe e mesmo que o mobiliario e o deseño xeren un carácter propio e identificativo do lugar no que se sitúan, así se consensuou cos hostaleiros nas reunións mantidas previa á redacción deste anexo.

Inés Vidal porá a disposición de toda a hostelería a nova ordenanza. 

Vidal contempla que se produza unha coherencia no conxunto, buscando a simplicidade e evitando a proliferación innecesaria de obxectos que creen unha imaxe desordenada.

As novas terrazas non poderán colocar toldos laterais pero si cerramentos de cristal, madeira,  policarbonato e metacrilato, tamén se reduce o tamaño das marcas comerciais.

Ademais, no pleno de onte os votos do grupo de goberno permitiron tamén a aprobación da modificación  da taxa por ocupación de terreos de dominio público local con mesas, cadeiras, tribunas, taboados e outros elementos análogos.

A concelleira entende que no plan aprobado onte recóllense unha serie de requisitos estéticos para as zonas rehumanizadas e novas licencias, así coma unha inversión en determinados materiais, aos que deberán de adaptarse os negocios locais desas zonas, sen que, ata o momento, estivese regulada ningún tipo de compensación.

“Non se contempla, a importante inversión que van ter que facer, tanto as terrazas xa existentes que se encontren en rúas que sexan humanizadas con posterioridade a obtención da licencia municipal de actividade, coma as terrazas xa existentes e autorizadas anteriormente a entrada en vigor deste Anexo, que se atopen en rúas non humanizadas, que se adapten aos novos criterios de xeito voluntario”.

“O que se pretende, con esta modificación, é o poder resarcir, aínda que nun pequeno porcentaxe, as cantidades desembolsadas polos empresarios que se adapten aos novos requisitos estéticos, xa que con este acondicionamento, conséguese a mellora e o embelecemento do pobo”.

Por unanimidade tamén se aprobou no pleno celebrado onte a redacción dun proxecto de saneamento integral para a parroquia de Ribadetea.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete