Importante avance tecnolóxico en Salceda de Caselas

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

A fibra óptica chegará ás parroquias do municipio da man de Electra Alto Miño 

 

A principal empresa comercializadora de electricidade no concello de Salceda de Caselas, Electra Alto Miño, leva meses acometendo un importante proxecto de instalación de fibra óptica, tanto no casco urbán como en diferentes puntos das sete parroquias. Así, a día de hoxe, o servizo está presente xa na vila da Esfarrapada, ademáis de nos barrios da Pedra, a Serra, o Torrón, Altamira, Farrapeira e Gumil. No caso das parroquias de Parderrubias e Budiño, a rede está tamén xa extendida en Fontán e Valdeflores, Lavandeira, Piñeiro, Rega da
Lama e Costeira. Nas vindeiras semáns a empresa acometerá tamén as liñas de Pedracarballa, Seixo Blanco e Eido Vello, e posteriormente actuará en Vendanova e Casás, na parroquia de San Xurxo.

Pero EAM segue a proxectar novos tramos para executar de xeito inminente, coa intención de engadir 30 km de fibra aos máis de 60 xa existentes actualmente. O investimento a día de hoxe supera xa o millón de euros, cunha velocidade estándar de 100 megas de baixada e 10 de subida, aínda que a empresa está a ofertar tamén outras condicións adaptándose ás necesidades das persoas e entidades usuarias.

A instalación de fibra óptica supón enormes vantaxes sobre o uso do ADSL, destacando o feito de que manteña sempre a velocidade constante independentemente do número de persoas conectadas, xa que é moi difícil que sufra interferencias. Ademais alcanza sempre o máximo de velocidade contratada, a diferenza do que ocorre co ADSL, que no mellor dos casos chega ao 80 ou 90% da velocidade contratada. O proxecto é, sen dúbida, unha moi boa nova para Salceda, sobre todo o feito de que tamén as zonas rurais do concello poidan ir beneficiándose da fibra que ata o de agora podían disfrutar os veciños e veciñas do casco urbán.

Marcos Besada, Alcalde de Salceda: “Salceda está de noraboa por poder contar con este novo servizo. Debemos aproveitar as vantaxes da tecnoloxía que cada día dá pasos axigantados, polo que nos congratulamos de que EAM teña elexido o noso Concello para desenvolver a súa rede de fibra óptica, e sobre todo por levala ata as parroquias, que non sempre poden disfrutar deste tipo de avances”.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete