Carlos Font inaugura en Mos a humanización da Avenida Puxeiros

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

A obra, financiada polo Plan Concellos da Deputación de Pontevedra con 262.000 euros,  responde a unha das actuacións máis esperadas polas veciñas e veciños

Nos tres anos de goberno de Carmela Silva, a institución provincial leva destinado a Mos máis de 5,2 millóns de euros

 

 

O deputado provincial Carlos Font, acompañado pola alcaldesa de Mos, Nidia Arévalo, a deputada Digna Rivas, e representantes da corporación municipal, asistiu este mediodía á inauguración das obras de humanización da Avenida de Puxeiros, unha actuación largamente demandada pola veciñanza e que foi financiada a través do Plan Concellos da Deputación cunha achega de case 262.000 euros. O obxectivo do proxecto foi a humanización da avenida, entre a glorieta da estrada Puxeiros-Mos e o acceso á autovía A-55. Preténdese así mellorar a seguridade viaria  para peóns e persoas usuarias da zona, humanizando aqueles tramos de viarios que discorren polos núcleos máis urbanos.

Na súa intervención, Carlos Font cualificou de “espectacular” o cambio da estrada coa humanización estreada hoxe. “Son desas obras, dixo o deputado, que melloran a calidade de vida dos veciños e veciñas, porque dan seguridade viaria á zona, dótala de sendas peonís e unha canalización axeitada”. Font puxo en valor as humanizacións “porque amais de ser unha fermosa palabra supoñen que as persoas melloran o seu día a día”. O deputado provincial felicitou a corporación municipal de Mos “por ter escollido esta inversión da Deputación, a mellor decisión que podía tomarse e estamos encantadas e encantados de financiar este tipo de actuacións”. “Cremos na autonomía municipal, respectamos aos concellos e imos a seguir nesa senda de lealdade e colaboración institucional”, rematou

Os traballos consistiron na realización dun muro de contención e na instalación de tubaxes para a canalización de pluviais e do alumeado público, así como os sumidoiros para pluviais.  Instalouse unha nova rede eléctrica de alumeado público e oito columnas provistas de luminarias LED, así como sinalización viaria e vertical e pasos de peóns elevados. Tamén se realizou a colocación de mediana axardinada na estrada con asfaltado e pintado do viario, ademais da construción dunha senda peonil na marxe dereita.

Esta actuación de humanización inclúese dentro das actuacións financiadas a través do Plan Concellos, que achegou a Mos case un millón de euros (939.278,39 euros). Neste ano 2018, o goberno de Carmela Silva incrementou as contías aportadas a Mos nun 76,27%, polo que ten posto a disposición deste municipio máis dun millón e medio de euros (1.665.652,94 euros).

Nos tres anos de lexislatura, o goberno provincial achegou ao municipio de Mos máis de 5,2 millóns de euros entre todas as áreas de goberno. En concreto, dende o servizo de Cooperación destináronse 3,6 millóns de euros, entre as partidas destinadas para o Plan Concellos, así como outras achegas distintas para reparación de instalacións deportivas e espazos públicos, adquisición de material deportivo ou iluminación exterior sostible, entre outras actuacións.

A área de Cohesión Social e Xuventude achegou a Mos 403.566 euros para o cofinanciamento dos servizos sociais comunitarios municipais, as axudas básicas de emerxencia, a teleasistencia domiciliaria e axudas a entidades. Así mesmo, dentro deste eido houbo achegas para distintos programas, como Depotermal, Depo en Marcha, En Ruta coa Depo ou Tecendo Lazos.

O concello de Mos, nestes tres anos, recibiu 806.745,05  euros da área de Mobilidade. As partidas destináronse para obras en viarios, proxectos de mellora, rozas e limpezas de estradas, traballos de sinalización e pintado e actuacións do Plan Móvese. En canto a Deportes, Mos leva recibidos 29.501,07 euros, para o deporte federado, para as Deporteescolas, actividades deportivas, axudas individuais extraordinarias a deportistas e para a Copa de Fútbol Deputación.

Na área de Igualdade, Mos beneficiouse de partidas por valor de 50.986 euros para o fomento da igualdade de oportunidades e prevención da violencia de xénero, así como para a formación das mulleres no marco do programa “Conectadas” e a mostra “Mulleres en Acción. Violencia Zero”. En materia de Emprego, Mos contou con máis de 149.000 euros a través das distintas edicións do Plan de Práctica Laboral en Concellos impulsado pola institución provincial.

Mos recibiu, nestes tres anos de goberno provincial, case 150.000 euros a través do servizo de Cultura. Trátase de axudas para as escolas de música, para actividades de dinamización do galego e para rehabilitación e sinalización do patrimonio histórico e cultural, así como achegas polo Ano Castelao ou o Ano Patrimonio e o Pontegal. Finalmente, desde Medio Ambiente destináronse 69.098 euros para a colaboración coa Confederación Hidrográfico do Miño-Sil para o financiamento das obras de restauración no río Louro. O Goberno de Carmela Silva achegou tamén algo máis de 16.021 euros ao concello de Mos en materia de Novas Tecnoloxías, así como 1.300 euros a través da área de Turismo.

 

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete