O Pontellas xa está camiño a Navarra cara as eliminatorias da Copa do Rei

O "Tellas" emprendía viaxe esta maña para enfrontarse ao Tolosa C.F. este mércores

 

 

A plantilla do CD Pontellas partía cara a Tolosa ás 10.30 h en autobús, onde mañá mércores confía en seguir facendo historia. O equipo da parroquia porriñesa que conta con 2.000 veciñ@s, xogará a eliminatoria previa da Copa do Rei.

Este ano a Real Federación Española de Fútbol, como agasallo ao ascenso a Terceira División dos equipos campeóns dos seus respectivos grupos de Rexional Preferente, convidounos a estas eliminatorias .

No caso de superar esta previa en terras vascas, o  C.D. Pontellas tería na seguinte ronda un emparellamento cun equipo de Primeira División –agás os catro que están a xogar na Champions League-.

A presidenta do club local, Marta Costas tiña solicitado nunha reunión recente coa alcaldesa e co concelleiro de Deportes axuda económica e loxística do Concello debido ós gastos extraordinarios que lle supón a este modesto club recén ascendido a terceira, afrontar a súa histórica participación na Copa do Rei.

Hai una semana, David Alonso, concelleiro de Deportes informou de que o goberno municipal porriñés acordou achegar  4.000 € ó C.D. Pontellas; unha aportación especial a maiores, da subvención anual que o Concello de O Porriño ten conveniada con C. D. Pontellas, para sufragar os gastos desta cita deportiva.

A alcaldesa Eva García e o concelleiro de Deportes, David Alonso acudiron ao campo de San Campio, lugar de reunión e partida da expedición, para desexar  de primeira man sorte e ánimo aos xogadores, cadro técnico e directiva do C.D. Pontellas.

Eva García díxolles "desfrotade do momento histórico que estades a vivir que xa ninguén vai quitarvos”.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete