A primeira Campioa de España de Xadrez de Mos chámase Maia Pérez Sousa

Tan só ten 8 anos de idade e xa forma parte da lista de menos de 10 galegos que foron Campións de España

 

Maia Pérez Sousa, do Club Xadrez Mos,proclamouse Campioa de España de Xadrez o pasado domingo 23 de xuño do 2019.

Para felicitala por tan grande logro á súa curta idade, dende o Concello de Mos organizóuselle unha recepción oficial no Salón de Sesións, na que a acompañaron o seu adestrador e tesoureiro do Club Xadrez Mos, Brais Otero Nogueira; o seupai e secretario do Club Xadrez Mos, César Pérez Novás; a alcaldesa mosense, Nidia Arévalo; a concelleira de Deportes, Begoña Toucedo; e demais membros do equipo de goberno local e da Corporación Municipal.

Aos seus 8 anos de idade, a nova promesa do Xadrez Mos, Maia Pérez Sousa, proclamouse Campioa de España de Xadrez na Categoría Sub-8. O torneo celebrouse na localidade Granadina de Salobreña, onde se deron cita un total de 99 xogador@s, os talentos máis nov@s do xadrez español.

O torneo deu comezo o xoves día 20 e finalizou o domingo 23 de xuño. Catro días de competición durante os que todos os participantes disputaron un total de 9 roldas.

A pesar de non ter un comezo de competición ideal, perdendo as dúas primeiras partidas, Maia conseguiu sobrepoñerse e alcanzar un total de 6.5 puntos dos 9 posibles que a proclamaron Campioa en CategoríaFeminina, e 11º Clasificada na Xeral. Unha actuación brillante na súa primeira participación a nivel Nacional, que pon peche a unha gran tempada para Maia, que finalizara ademais 4ª no Campionato Autonómico, logrando unha bolsa da Federación Galega para participar no Campionato de España, do que finalmente se proclamou Campioa.

Este gran resultado permite a Maia representar á delegación española no Campionato de Europa de Xadrez en Categoría Sub-8, que se celebrará as dúas primeiras semanas do vindeiro mes de agosto en Bratislava, Eslovaquia.

Dende o seu equipo, o Club Xadrez Mos, declaran que “é un orgullo para o noso Club a achega de Maia á historia do xadrez galego, sendo menos de 10 os Campións de España históricos pertencentes á nosa comunidade. Merecido resultado, froito do esforzo e entrega de Maia, e do labor que está a realizar o Club Xadrez Mos en colaboración co Concello de Mos. Apostando polo xadrez nas escolas, pola difusión entre os máis novos, fundamental para arraigar a paixón do xadrez no noso Concello, e para poder descubrir e potenciar talentos como o de Maia”.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete