Recepción ao clube mosense Xiramos pola súa prata no Trofeo Don Quijote

O grupo grande de patinaxe acadou o segundo posto en Toledo coa coreografía “Dentro del tiempo”

 

 

Os 14 rapaces integrantes do grupo “Dentro del tiempo” do club mosense de patinaxe Xiramos, foron recibidos onte no salón de sesións do Concello de Mos -en recoñecemento polo segundo posto acadado no Trofeo Don Quijote-, pola alcaldesa de Mos Nidia Arévalo; o concelleiro de Deportes de Mos,  Baldomero Lorenzo; e demais membros da Corporación Municipal.

O pasado sábado 6 de abril, os rapaces da agrupación mosense de patinaxe Xiramos, participaron no II Trofeo Don Quijote en Santa Cruz de la Zarza (Toledo), e fixérono con tres grupos: “Welcome”, “Miradas en la noche” e “Dentro del tiempo”. Foi con este último co que obtiveron o segundo posto na súa categoría.

Este trofeo trátase dunha competición promocional de exhibición e o grupo da coreografía “Dentro del tiempo” acadou a medalla de prata na categoría de Grupo Grande Promocional.

Os integrantes da coreografía “Dentro del tiempo” son un total de 14 mozos, 11 nenas e 3 nenos, con idades comprendidas entre os 13 e os 18 anos; que lograron, con este segundo posto en Toledo, o seu primeiro podio.

Tras este logro deportivo xa participaron en novas citas de competición. O sábado 13 de abril fixérono no Trofeo Internacional de Vigo, e o 27 de abril faranono Trofeo Condado de Salvaterra. O vindeiro sábado 4 de maio, participarán no Trofeo Cid Campeador en Burgos.

A Agrupación de Patinaxe Xiramos, que preside Beatriz Rodríguez Álvarez e que foi fundada no ano 2012, está integrada por un total de 27 patinadores e patinadoras de entre 11 e 18 anos de idade. Adestran dous días por semana en instalacións deportivas municipais, concretamente os martes no Pavillón Patricia Martínez e os venres no Pavillón Óscar Pereiro.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete