Mos homenaxea a Susana Alonso, Campioa de España Ultramaratón 2019 BTT

O pasado 30 de marzo a ciclista mosense gañou o campionato nacional de Ultramaratón Élite disputado en Teruel,no que dominou dende o inicio

 

 

Onte celebrouse no Concello de Mos a recepción a Susana Alonso Carballo que, o pasado 30 de marzo, erixiuse de novo Campioa de España de Ultramaratón Élite, vestindo por primeira vez, o maillot da Selección de Galicia. A ciclista mosense estivo acompañada por a alcaldesa de Mos, Nidia Arévalo, o concelleiro de Deportes, Baldomero Lorenzo; e demais membros da Corporación Municipal.

Alonso revalidou en Calamocha o seu título de Campioa de España de Ultramaratón Élite. A primeira etapa da Jamón Bike, serviu para disputar o Campionato de España de Ultra Maratón sobre un percorrido de 127 km.

A Jamón Bike de Calamocha citou á elite con motivo da oitava edición da proba que organiza o Club Ciclista Calamocha, que foi o evento elixido para repartir os títulos do Campionato de España de Ultramaratón BTT, ademais dos podios do Rexional.

Un total de 700 corredores encheron a capital da Comarca do Jiloca, nunha festa da BTT, na que se coroou Susana Alonso, que encadeou o seu segundo ouro consecutivo.

Os 127 km do percorrido contaron cun desnivel acumulado de 3.000 metros nos que Susana Alonso dominou de principio a fin proclamándose Campioa de España Ultramaratón 2019 BTT, dentro do VIII Jamón Bike disputado en Calamocha (Teruel).

Un percorrido -deseñado polo Club Ciclista Calamocha como organizador do evento- de gran esixencia que atraeu ata a localidade turolense a uns 700 corredores, segundo informou a Real Federación Española de Ciclismo (RFEC).

A ciclista mosense Susana Alonso exhibiu a súa superioridade dende o primeiro quilómetro ata o último deste Campionato de España de Ultramaratón. Marcou diferenzas dende o arranque da proba e tras atoparse coa compañía de Silvia Roura, aínda en categoría sub-23, marchouse en solitario aproveitando a subida a Fonfría.

Alonso mantivo a súa vantaxe e proclamouse en Calamocha Campioa de España con 4 minutos de vantaxe sobre Roura, que foi segunda en meta e mellor ciclista sub-23; a terceira praza absoluta ocupouna a Máster 40A María Teresa Barreira. O podio élite estivo integrado por María Desiree Castro, 5ª absoluta; e Marta Romeu, a 8ª ciclista en completar a proba.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete