O Porriño acolle o Campionato de Galicia de Contrarreloxo de Ciclismo

O vindeiro domingo 15 de xullo o Polígono Industrial da Granxa cambia as rodadas dos trailers polas pedaladas dos ciclistas dende as 10.00 h

 


O salón de plenos do Concello do Porriño acolleu este martes a presentación oficial do Campionato de Galicia de Contrarreloxo por Equipos de Ciclismo, que se disputará o vindeiro domingo día 15 de xullo, no Polígono de A Granxa, organizado polo Clube Máster da Louriña.

No acto estiveron presentes o Tenente de Alcalde e responsable de Deportes, Manuel Carrera; o xerente da Asociación de Empresarios de As Gándaras e da Entidade Urbanística de Conservación A Granxa, David Sobral; o Director Técnico e Seleccionador da Federación Galega de Ciclismo, Guillermo Sande; e o responsable do club organizador Máster da Louriña, Juan Álvarez.

Todos os asistentes coincidiron en salientar a importancia desta proba que, sublimaron, fai unha aposta moi importante polas categorías inferiores do ciclismo galego, posto que a mesma está aberta a ciclistas cadetes, xuvenís e Elite/Sub 23, nas categorías masculina e feminina, que poden facer a súa inscrición ata este mércores, día 11 ás 23:59 h, entrando na páxina web da Federación Galega -fgalegaciclismo.es-.

Tanto o seleccionador coma o organizador da competición enfatizaron a “vistosidade” da mesma, dado que a modalidade de contrarreloxo por equipos, cunha saída -dende as 10.30 h-  programada con cadencias de tres minutos, permite seguir as evolucións de cada un dos participantes dende a primeira á última pedalada.

Pola súa banda, Manuel Carrera, que foi ciclista profesional, amosouse moi satisfeito porque a proba teña coma escenario o Polígono da Granxa, “que ten unhas rúas amplas, chas, con curvas doadas de trazar, que permiten acadar velocidade e gozar do esforzo dos deportistas”.

Carrera invitou ás veciñas e veciños do Porriño a acudir a este campionato no que, engadiu, os ciclistas teñen que dominar a técnica de competir contra o crono e, ao mesmo tempo, compenetrarse cos seus compañeiros, o cal fai de probas coma esta “un grande espectáculo para os amantes do deporte en xeral e, especialmente do ciclismo”.

Escribir un comentario
PorriñoDigital. es recuerda: Será declinada toda responsabilidad derivada de las afirmaciones realizadas por sus usuarios. La sola publicación de comentarios en las noticias implica la aceptación de esta condición. Se ruega moderen el tono de sus afirmaciones en aras a mantener un talante dialogante y educado.


PorriñoDigital.es nace como un proyecto de jóvenes emprendedores porriñeses con ganas de dotar a nuestra villa de un espacio de comunicación local.
Tú eres parte de nuestro proyecto, trabajamos para tí.

Secciones

Redes Sociales

Suscríbete